Eg likar å tutla med grafikk eg, både teikna/mala på frihand, og halda på med litt fotofikling. Ikkje det at eg får gjort så overvettes mykje av den slags no for tida, men eg sluker likevel det eg kjem over av tips på det feltet. Det er helst Photoshop eg finn tips for då – kanskje naturleg nok, sidan det er eit populært program. Og – det passar i grunnen meg bra, det.

Eg har ein del blad, og videoar som følgjer med på CD/DVDane som følgjer med, men for ei tid tilbake så vart eg gjort merksam på PhotoshopTV, ein videopodcast om Photoshop og tips til bruk av programmet. Spennande saker, og det balla i grunnen på seg. Etter kvart har eg funne fleire slike video podcastar, og eg må jo sjå kva det er for noko, om det er noko å sjå på.

Det varierer. Men uansett, eg tenkte eg kunne lista opp dei eg har funne så langt eg, uansett kvalitet. Så her kjem lenker til både feed og websider:

• Russell Brown Show: Feed, nettside
• Photoshop TV: Feed, nettside
• Photoshop Killer Tips: Feed, nettside
• Photo Walkthrough: Feed, nettside
• Graffi’s: Feed, nettside
• 2 Minute Photoshop Tricks: Feed, nettside
• Creative Suite Podcast: Feed, nettside
• Dr. Photoshop: Feed, nettside
• Photoshop Quick Tips: Feed, nettside

Sånn, der er dei lista opp i vilkårleg rekkefølgje. Dei fleste/alle av desse er tilgjengelege i poscastdelen til iTunes, og meir til, men ein må jo vera klar over at slikt finst før ein bryr seg med å sjå etter det – og alle brukar jo ikkje iTunes heller, så eg vonar dette kan vera eit tips til nokre, i alle fall.

No gjeld det berre å sjå om eg finn noko tilsvarande for Painter – og eg tek gjerne i mot tips. 🙂